0 460

У Мінску прэзентавалi кнігу і мультфільм «Маленькі прынц» на роднай мове

20 чэрвеня на даху галоўнага офіса velcom адбыўся папярэдні паказ французкага мультфільма «Маленькі прынц» у беларускай агучцы. Адначасова было прэзентавана перавыданне знакамітай кнігі Антуана дэ Сент-Экзюперы ў беларускамоўным перакладзе Ніны Мацяш

«Маленькі прынц» — найбольш чытаемая кніга з твораў на французскай мове, прызнаная таксама найлепшай кнігай XX стагоддзя ў Францыі. Пераклады «Маленькага прынца» існуюць на 300 мовах і дыялектах, у тым ліку на беларускай.

Фото: velcom

Першае і адзінае выданне «Маленькага прынца» на беларускай мове ўбачыла свет у 1989 годзе. У цяперашні час толькі некалькі экземпляраў даступныя для чытачоў у Нацыянальнай бібліятэцы Беларусі. Таму ў межах серыі «Добрая кніга» пры падтрымцы кампаніі velcom з’явілася перавыданне «Маленькага прынца» на беларускай мове. Значную частку тыража плануецца перадаць у бібліятэкі беларускіх сярэдніх школ.

«Маленькі прынц» – гэта не толькі адзін з самых вядомых, але і самых глыбокіх твораў сусветнай літаратуры. І пераклад Ніны Мацяш выдатна перадае ўсе нюансы гэтага тэксту ў беларускім гучанні. Спадзяюся, дзякуючы перавыданню кнігі яшчэ больш чытачоў, дарослых і малых, змогуць ацаніць глыбіню гэтага твора і прыгажосць беларускай мовы», – адзначыў начальнік аддзела карпаратыўных камунікацый кампаніі velcom Вячаслаў Смірноў.

Фото: velcom

Выданне беларускамоўнай версіі «Маленькага прынца» працягвае шэраг ініцыятыў кампаніі velcom і «Атлант Тэлекам» па падтрымцы беларускай мовы. У 2017 годзе брэнды сталі партнёрамі праекта «Беларускія ўікенды», мэтай якога з’яўляюцца пераклад і агучванне сусветна вядомых кінафільмаў на беларускую мову. У межах гэтага праекта 23-25 чэрвеня адбудуцца паказы мультфільма «Маленькі прынц», персанажы якога загавораць па-беларуску галасамі такіх акцёраў, як Ганна Хітрык, Святлана Цімохіна, Зміцер Бейнарт-Саладуха, Павел Харланчук, Сяргей Жбанкоў, Уладзімір Глотаў. Папярэдні паказ гэтай кранальнай гісторыі для журналістаў адбыўся на даху галоўнага офіса velcom разам з прэзентацыяй кнігі.

23-25 чэрвеня паказы мультфільма «Маленькі прынц» у кінатэатры «Масква» адбудуцца для ўсіх жадаючых. Пачатак сеансаў – у 19:00.

Акрамя Мінска, сустрэчы з «Маленькім прынцам» чакаюць жыхароў Гомеля, Гродна і Магілёва.

«Мы вельмі рады, што ў жыхароў іншых гарадоў таксама з’явіцца магчымасць  паглядзець добрае кіно на вялікім экране ў прафесійнай беларускай агучцы. У кожным горадзе адбудзецца па 2-3 паказы «Маленькага прынца», а таксама прэзентацыя кнігі. У далейшым праект будзе пашырацца не толькі тэрытарыяльна, але і з пункту гледжання кантэнту - так, акрамя сусветна вядомых фільмаў мы плануем агучваць кінанавінкі», – расказаў кіраўнік праекта «Беларускія ўікенды» Андрэй Кім.

Загрузка...
Загрузка...

REDTRAM
NNN
Оставить комментарий
Вход
Комментарии (0)

  1. Пока никто не оставил здесь свой комментарий. Станьте первым.


Все комментарии Оставить свой комментарий
Газета

Актуальные вопросы

  1. Как здоровье Михаила Горбачёва?
  2. Дыня — это ягода или фрукт?
  3. Почему в рыбных консервах мягкие кости?
REDTRAM
NNN

Новое на AIF.by